Biblioteca San Nicolas

Aparte di e establicimento na George Madurostraat BNA tin tambe un sucursal na San Nicolas. Esaki ta keda na Peter Stuyvesantstraat San Nicolas. Na 2007 e filial a celebra su di 55 aña di existencia.

Departamento

E sucursal na San Nicolas tin un departamento pa adulto y un biblioteca hubenil. Ambos departamento tin un coleccion grandi di buki. Pa fia buki na e filial aki e mesun reglanan y condicionan di BNA di Oranjestad ta conta.

Sala di estudio
Na San Nicolas tambe bo por studia den sala di estudio. Bo por studia bo mes material di estudio pero tambe por studia for di material di estudio di biblioteca.

Centro di Informacion Digital
Filial San Nicolas tambe tin 20 computer cu conexion di internet. Ora bo ta miembro di biblioteca bo por busca informacion gratis.

Actividad
E biblioteca di San Nicolas ta organisa tambe diferente actividad. Asina tin cada diaranson di 15.00 pa 16.00'or un merdia di actividad pa muchanan di 4 pa 12 aña. Ademas e filial aki ta tene den vakantie merdianan di conta cuenta y ta participa tambe na Festival di buki pa mucha. Na San Nicolas tambe bo por haya un recorido.  Durante oranan di trabou bo por yama San Nicolas pa traha un cita.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn