‘Boc’ i Brik’ ta priminti un vakantie hopi bibo na Museo Arqueologico

‘Boc’ i Brik’ ta priminti un vakantie hopi bibo na Museo Arqueologico

Minister di Cultura hunto cu muchanan di Colegio Conrado Coronel a test e programa
 
Diamars mainta Minister di Cultura Michelle Winklaar hunto cu muchanan di eerste klas di Colegio Conrado Coronel a test e programa cu Museo Arqueologico ta preparando pa periodo di vakantie. Tanto Minister como e muchanan a encanta e actividadnan y a goza un mundo na Museo. Muchanan contento a bai bek na scol cu nan boto y message in a bottle cu nan a traha y e gana di bin bek na Museo.
E aña aki atrobe Museo ta trece un programa vacacional pa muchanan pasa un dushi rato na Museo Arqueologico. E programa ta enfoca riba ‘Boc’ i Brik’, di cual Museo tin actualmente un exposicion temporario. Den e programa vacacional muchanan ta siña, hunga, busca, competi y traha hunto pa asina duna bida na e storia di Boc ‘i Brik. Actividadnan creativo, fisico y educativo ta alterna den e subtemanan Historia, Arqueologia, Navegacion y Horcan.
 
E programa vacacional di Museo ta cuminsa di 9 di Juli te cu 2 di Augustus. Pa muchanan di e edad di 9 pa 12 aña por inscribi ainda pa e siman di 23 pa 26 di Juli y pa muchanan di edad 6 pa 8 aña tin algun cupo pa e siman di 30 di Juli pa 2 di Augustus ainda. Costo ta solamente Afl. 25,- pa mucha pa 4 dia, cada programa ta cuminsa riba diamars y ta caba riba diabierna y ta di 8’or di mainta pa 12’or di merdia.
 
Camps y otro gruponan por boek un programa adapta na e grandura y edad di nan grupo pa maximo 2 ora na Museo. Tambe por forma bo mes un grupo di famia of amigo, di minimo 10 mucha, y boek bo programa na Museo. Pa mas informacion y pa hasi reservacion pa bo grupo of bo yiu yama na telefon 582-8979 y puntra pa Finelaine Tromp of Suzy Boekhoudt.
 




Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn