‘Tanto Cuenta’ na Centro di Bario Noord

E siguiente actividad di ‘Tanto Cuenta’ lo tuma luga na Centro di Bario Noord diasabra 29 di augustus di 6or pa 8or y diadomingo 30 di augustus di 5or pa 7or.

Nos tur tin bunita recuerdo di e cuentanan di hada cu nos mayornan of nos maestronan nan scol tabata conta nos. Nos tur tabata soña cu e prinsnan cu ta salba e prinsesnan for di e malvadonan. Pa hopi tempo nos no ta tende mucho cuenta di hada mas, pero nan t’ey si. E storianan ey ta pa semper, nos por rebiba nan awor. Grandi y chikito por disfruta di cuenta di hada tradicional den un ambiente magico durante e actividad di Tanto Cuenta.

Den e plannan di tempo largo di Fundacion Bon Nochi Drumi Dushi nos a incorpora cuenta di hada. Na momento cu UNOCA a acerca e fundacion pa un proyecto cu contamento di storia, esaki a pas precies den vision di FBNDD. A scohe e momento cu Aruba Doet ta ofrece pa sostene proyectonan na Aruba cu gasto di material, pa traha e scenario necesario pa conta cuenta di hada. Gustosamente UNOCA a sostene e idea aki cu financiamento di un gran parti di e proyecto.

Meta di FBNDD ta pa presenta Tanto Cuenta den diferente bario na Aruba. E prome presentacion a tuma luga na luna di april na Scol di Arte na San Nicolas. Y manera a priminti e siguiente actividad di ‘Tanto Cuenta’ lo tuma luga na Centro di Bario Noord den bario di Noord, riba diasabra 29 di augustus di 6or pa 8or y diadomingo 30 di augustus di 5or pa 7or.

Carchi ta obtenibel Centro di bario Noord y na porta dia di funcion pa solamente 5 florin. E potretnan ta duna un idea di loke por spera e weekend benidero.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn