“Es style di alles mag: un analisis di Papiamento na Aruba”

Diamars 5 di januari Jennifer Fun ta presenta su Master scriptie cu e titulo “ Es style di alles mag: un analisis di Papiamento na Aruba” na Biblioteca Nacional Aruba den edificio central na George Madurostraat. Esaki ta un presentacion pa publico general y muy en particular e personanan cu un interes den idioma. E presentacion ta cuminsa 7or y mey.

Jennifer Fun ta papia tocante e uzo di diferente idioma den un solo interaccion y combersacion (e fenomeno di: “codeswitching/codewisseling”). Un charla interestante pa un y tur cu tin di haber cu e fenomeno aki den bida diario. Kizas ta topa cu esaki den corant, na television of den bo mesun cas E ta algo cu hopi biaha nos mes ta participa na dje.  Pa esnan cu ta interesa pa haya sa  mas tocante codewisseling/codeswitching, Jennifer Fun ta splica kico esaki ta y con na Aruba e contexto multilingual a cambia durante tempo.

Jennifer Fun a nace na Aruba. Despues di a gradua na Colegio Arubano na 2007 el a bay studia na Hulanda. Jennifer ta wak un comunidad multicultural como algo bunita y ta spera di por yuda pa crea mas ehempel di comunidad intercultural den futuro.

Biblioteca ta invita un y tur pa e charla aki dia 5 di Januari 2016 y pa pasa comparti experiencia y ideanan cu otro .





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn