- PLAN VACACIONAL DI TEATRO -

Stichting Julius Leeft! (SJL) den colaboracion cu Cas di Cultura y F.D.E.C. ta organisa varios tayer (workshop) y un mini-show como programa di vakantie pa hoben y aficionadonan di teatro, baile y produccion di teatro (tecnica, backstage). SJL ta bolbe bin cu un show impactante na Aruba cu e titulo ‘Hoe Duur Was De Suiker’. E guianan involvi cu e show ta duna nan parti dunando e workshopsnan como programa vacacional. Aki ta sigui e seleccion di curso cu nan lo brinda.

1. Workshop mini-show cu e titulo: Kiko ta bo (hi)storia?

  • Tema di e workshop mini-show: Uza bo talento, conta BO storia.
  • Contenido di e workshop mini-show: Den 5 dia di workshop lo bo wordo prepara pa e mini-show. Show-off, demostra bo talento: actua, baila, canta of patras di cortina! Tur locual bo tin cu haci ta conta nos bo storia. Conta nos kende bo ta y di unda bo famia ta bini.
  • Pa ken: pa tur entre 15 y 23 aña di edad, maximo 25 participante. Lo tin un audicion chiquito pa wak tur talento. Den e caso cu tin di mas participante lo haci un escohencia kende lo participa.
  • Ki dia: Workshop 24 te cu 27 di juli, di 8.30 pa 12.30am. Mini-show ta dia 29 juli den

Cas di Cultura.

  • Participacion: Afls. 25,- pa persona. Esaki ta inclui workshop y participacion na e mini-show, lunch, 1 carchi pa ‘Hoe Duur Was De Suiker’ pa dia 2 di augustus y entrada pa ta presente na e debate cu e topico ‘Sclavitud’ dia 29 di juli na Universidad di Aruba. Coach: Junadry Leocaria.                   

2. Curso di produccion teatral y publicidad

Informacion: ‘Stichting Julius Leeft!’ ta un organisacion Hulandes cu profesionalnan cu ta traha a base boluntario. E obranan di SJL! ta relaciona cu e pasado colonial di Hulanda. Tur aña un obra teatral estilo ‘theatrale reading’ cu musica ta tuma lugar unda ta purba presenta e obra den e pais concerni tambe. Na e momento cu e obra yega e pais, den e caso aki Aruba, semper SJL! ta acopla e obra cu un trayecto educativo.

  • Fecha: 25 di juli + dianan di e show principal ‘Hoe Duur Was De Suiker’ dia 31 di juli.
  • Ora: atardi
  • Duracion: 2 pa 2 ora y mey
  • Nivel: intermedio pa avansa pa maximo 10 participante
  • Contenido: Durante e workshop di produccion lo bo haya un bista di kiko ta pasa entre ensayo y e momento di e presentacion mes. Banda di esaki lo bo haya tarea concreto, pa hunto cu e team di SJL!, realisa e mini-show. Tareanan ta inclui entre otro: Kiko e colaboracion intensivo cu e seccion di produccion ta encera? Kiko mi kier logra y kiko ta e metanan? Con mi ta organisa un conferencia di prensa? Ki tipo di apoyo mester pa e obra por wordo realisa?
  • Coachnan: Djoere de Jong, Ka Yan Tang y Ingrid Lochem

3. Curso di tecnica y video

  • Fecha: 25 di juli + na caminda pa e mini-show 29 di juli.
  • Ora: atardi
  • Duracion: 2 pa 2 ora y mey
  • Nivel: intermedio.
  • Participante: 6 maximo
  • Contenido: e workshop di technica y video lo siña e tecnicanan di teatro pa stage, iluminacion y sonido basico y pa cu video lo bo siña filma y edito pelicula cortico.
  • Coach: Omar Brown

4. Curso di baile (2 masterclass)

  • Fecha: 3 di augustus
  • Ora: 10.00am – 1.00pm (3 ora)
  • Nivel: intermedio - avansa
  • Contribucion: Afls. 25,-
  • Participante: 20 maximo
  • Contenido: cada masterclass ta 1,5 ora.

E prome ta ‘Caribbean Contemporary’: E estilo ta ritmico, cu movecion grandi, fuerte, flexibel y yena cu pacion. E movecionnan manera ola procedente di e folklor Cubano ta ser combina cu ‘flow’, ‘grounding’ y e uso conciente di e rosea. E combinacion aki ta crea cu estilo di baile moderno den cual e uso di heup y lomba flexibel ta bini hunto cu draaimento fluido y bulamento poderoso. E movecion di e curpa ta wordo usa maximalmente y lo bo sinti e energia di esaki. E les ta consisti di warming-up, ehersicionnan y combinacionnan di baile.

E di dos masterclass ta Baile Tradicional di West-Africa y baile contemporaneo Africano. E curso aki ta pa tur cu ta gusta baila y cu ta interessa den e tecnica y baile Africano y ta ensera un profundisacion di e raisnan di ‘West-Africa’. E les ta consisti di warming-up, movecionnan Africano, combinacionnan di baile pa cera conoci cu e suela y e spiritualidad di e baile Africano y tambe combinacionnan di baile Africano contemporaneo. Ta wordo baila sin sapato pa por tin mas contancto cu e suela. Coachnan: Faizah Grootens y Ayaovi Kokousse

 5. Teatro / Actuacion

  • Fecha: 3 di augustus
  • Ora: 2.00pm – 4.00pm, 2 ora
  • Nivel: intermedio pa avansa
  • Contribucion: Afls. 25,-
  • Participante: minimo 6, maximo 16
  • Edad: 14 pa 18 aña
  • Contenido: Ehersicionan di concentracion, fantasia y improvisacion.
  • Coach: Vastert van Aardenne

INSCRIPCION PA TUR CURSO TA NA CAS DI CULTURA.

YAMA SRA. JOAN HART NA 582-1010 OF MAIL CASCULTURA@SETARNET.AW





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn