35 Aña Museo Arqueologico Aruba

Exactamente 35 aña pasa, riba e fecha di 20 di December 1981, un vision a bira realidad y a habri e Museo Arqueologico di Aruba na Zoutmanstraat # 1, pa asina expone y presenta Aruba su herencia cultural arqueologico na publico. Esaki tabata algo grandi pa  Aruba como tambe pa Caribe, pasobra Museo Arqueologico Aruba tabata un di e prome museonan arqueologico den e region.

Tanto publico local como e bishitante internacional por a disfruta di e coleccion creciente y informacion di nos antepasadonan di e ultimo 35 añanan, como tambe di un programacion publico amplio y diverso. Cu hopi animo y ya pa hopi aña Museo a ofrece programanan educativo pa scolnan, programanan recreativo den periodo di vacacion,  como tambe actividadnan diverso pa bishitantenan di tur edad y actividadnan enfoca specialmente riba famianan.

Alabes diferente investigacion cientifico cu resultadonan interesante a tuma lugar y hasta a cambia cierto parti di historia di nos antepasadonan. A forma diferente ‘partnerships’ cu institutonan local y internacional, cual colaboracionnan a eleva Museo na un nivel mas halto (den e ambito nacional como tambe internacional?). Na aña 2009 a logra un ‘milestone’ hopi importante ora cu despues di hopi aña a concretisa un siguiente paso den nos vision y a habri Museo na e ubicacion nobo y historico situa na Schelpstraat # 42, cu salanan di exposicion innovativo.

Museo Arqueologico Aruba ta felicita y gradici un y tur cu den transcurso di e añanan na un of otro forma a aporta y a sostene Museo.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn