Actividad di Atardi den Verteltoren

Diamars y Diahuebs biblioteca na Playa ta ofrece actividad pa mucha entre 4 pa 12 aña di edad. E actividadnan aki ta pa stimula y promove lesamento bou di e muchanan di e edad menciona. Di un forma agradabel e actividadnan ta wordo duna cu contamento di cuenta y presentacionan di autornan di buki pa mucha, tanto local como internacional.

Ta hunga weganan conoci tambe manera ‘Mens erger je niet (caminda e muchanan mes ta e pionnan); Memory di un tamaño grandi; ta presenta Poppenkast y obra di man.

Tambe tin programanan educativo pa siña e muchanan con pa por ehempel, prepara un ‘boekbespreking’, con pa skirbi y conta un cuenta, con pa pinta/dibuha nan mesun pintura pa compaña nan storia cu nan mes a skirbi y ta siña nan con pa haci Teatro cu e popchinan den e poppenkast usando nan propio imaginacion. Diamars tin actividad pa muchanan di 4 pa 7 aña y diahuebs muchanan di 8 pa 12 aña ta bon bini. E orario ta di 3or pa 4or di atardi.

E prome siman di juli 2016 Biblioteca Nacional Aruba  ta cuminsa cu su Programa Vacacional di Lesamento. Esaki ta un programa di cuater siman pa muchanan entre 8 pa 12 aña di edad. Den e programa aki e muchanan ta haya e oportunidad pa lesa 3 buki y despues mester conta den e grupo locual nan a lesa. Esaki tambe ta tuma lugar den Verteltoren. Inscripcion ta tuma lugar e ultimo siman di juni. Keda pendiente!

  • Diamars pa muchanan di 4 pa 7 aña
  • Diahuebs pa muchanan di  8 pa 12 aña
  • Orario ta di 3 or pa 4 or di atardi.

Pa e proximo lunanan prome cu vakantie nos tin:

  • Diamars 24 di mei 2016: Janine lo conta un bunita storia pa despues e muchanan  haci obra di man
  • Diahuebs 26 di mei 2016: Un autor di buki pa mucha lo bin conta storia di su bukinan
  • Diamars 31 di mei 2016: Janine lo conta un bunita storia pa despues e muchanan lo haci un bunita pintura di locual a ser conta
  • Diahuebs 02 di juni: lo continua cu Reseña di un buki, e dia aki e muchanan lo haya oportunidad pa nan lesa un buki y haci Reseña di un buki despues cu a duna nan tayer tocante esaki.
  • Diamars  07 di juni 2016: Ban hunga weganan di antes, awor y semper
  • Diahuebs 09 di mei 2016: Weganan warda den kashi – Ripiti y gana – Levens – Dao
  • Diamars  14 di mei 2016: Janine lo conta storia di musiek di mucha y despues Ban canta muchanan
  • Diahuebs 16 di mei 2016: Karaoke den Verteltoren!
  • Diamars  21 di mei 2016: Speurtocht den Verteltoren adapta pa muchanan di 4 pa 7 aña di edad
  • Diahuebs 23 di mei 2016: Speurtocht den Verteltoren
  • Diamars  28 di mei 2016: Kamishibay
  • Diahuebs 30 di mei 2016: Kamishibay

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn