Actividad pa mucha: Lesa buki y siña conta di e buki (Reseña di buki)

Den Verteltoren di BNA tin actividadnan pa promove y stimula lesamento pa muchanan di tur edad: Contamento di cuenta, wega, tayer, obra di man, atardinan cu tema of simplemente lesa pa e muchanan tende un bunita storia. Den Verteltoren bo por sintibo na cas!

Preparando e muchanan pa e ‘Vakantie-leesprogramma’ cu ta tuma lugar den juli, e team di biblioteca hubenil lo tin den e Actividad di Atardi di diahuebs, un tayer pa e muchanan por siña con pa haci un ‘Boekbespreking’ bunita y cu al final lo bira un competencia entre e muchanan cu a participa den e tayer aki.

Aki bou ta sigui un splicacion amplio pa abo bin participa si bo ta desea esaki.

Reseña di BUKI 2016 (Boekbespreking),parti uno

Lugar: Verteltoren

Fecha: Diahuebs, 21 di januari 2016

Orario: 3 or pa 4 or di atardi

Pa muchanan di 8 pa 12 aña di edad

Riba e dia aki lo inicia e programa cu informacion di kico e programa ta encera. Lo informa, prepara y guia e muchanan pa e Tayer di boekbespreking. Un maestro di scol basico lo tuma e parti na unda ta splica con pa haci un BOEKBESPREKING na un forma corecto. E idioma lo ta na e idioma cu e mucha ta domina miho. Pa finalisa e atardi aki e muchanan lo haya e oportunidad di scohe buki cu guia di e team di biblioteca pa nan cuminsa cu nan ‘Boekbespreking’.

Reseña di BUKI 2016 (Boekbespreking),parti dos

Lugar: Verteltoren

Fecha: Diahuebs, 28 di januari 2016

Orario: 3 or pa 4 or di atardi

Pa muchanan di 8 pa 12 aña di edad

Na e di dos parti, lo sigui cu LES DI PINTURA cortico, duna door di sr. Ryan Oduber. Ryan lo duna idea con pa ilustra e reseña pa haci’e uno mas agradabel pa esnan cu ta scuchando e Boekbespreking’.

E atardi aki e muchanan lo haya e oportunidad atrobe di scohe buki cu guia di e team di biblioteca pa nan cuminsa cu nan ‘Boekbespreking’.

 

Reseña di BUKI 2016 (Boekbespreking),parti tres

Lugar: Verteltoren

Fecha: Diahuebs, 04 di februari 2016

Orario: 3 or pa 4 or di atardi

Pa muchanan di 8 pa 12 aña di edad

Lo continua cu les di POWERPOINT, pa duna e storia un toke di comprension pa e muchanan cu ta scuchando esaki.

E atardi aki e muchanan lo haya e oportunidad di scohe buki cu guia di e team di biblioteca pa nan sigui cu nan ‘Boekbespreking’.

Reseña di BUKI 2016 (Boekbespreking), parti cuater

Lugar: Verteltoren

Fecha: Diahuebs, 11 di februari 2016

Orario: 3 or pa 4 or di atardi

Pa muchanan di 8 pa 12 aña di edad

E dia aki algun mucha cu por a scohe buki lo haya e oportunidad pa presenta nan ‘BOEKBESPREKING’. Lo scohe esunnan cu a prepara nan buki miho.

 

Sjoerd Kuypers autor di buki pa mucha di entre otro: ‘De duik’

Lugar: Verteltoren

Fecha: Diahuebs, 18 di februari 2016

Orario: 3 or pa 4 or di atardi

Pa muchanan di 8 pa 12 aña di edad

Sjoerd Kuypers, autor Hulandes di buki pa mucha,  lo ta na Aruba pa e fecha aki y lo bin haci un presentacion pa muchanan di biblioteca. E lo duna tip y splicacion pa e reseña di buki.

 

Reseña di BUKI 2016 (Boekbespreking),parti FINAL

E dia aki lo scohe esun cu a prepara nan buki miho.

E ganadornan di e simannan anterior lo competi contra otro pa e miho ‘BOEKBESPREKING’.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn