Actividadnan di biblioteca den cuadro di Luna di Enseñansa:

Biblioteca Nacional Aruba ta presenta diferente actividad durante oktober, ‘Luna di Enseñansa’. Ta cuminsa diahuebs awor cu un Tabletcafe 60+ y ta sigui cu pelicula pa mucha. Henter luna tin actividad, ademas biblioteca ta tene un encuesta bou usuarionan y tur otro interesado riba 14 aña. E encuesta pa haya opinion y sugerencia tocante e servicio y otro aspecto di e trabou di biblioteca.

Na final di october tin tambe e apertura di e di 23 Festival di Buki pa Mucha cu Biblioteca Nacional Aruba ta organisa tur aña. Un festival di buki cu participacion di mas cu 50 scol preparatorio, basico y special riba nos isla cu lo ricibi bishita di autor, ilustrador y contador di storia. Biblioteca Nacional Aruba ta organisa e festival aki pa promocion di lesamento y pa involvi mucha activamente den e mundo di buki cu un siman di actividad rond di buki. E apertura di Festival di Buki pa Mucha e aña aki ta tuma lugar diabierna dia 30 di october patras di biblioteca na Playa.

Programa di october na biblioteca

Diahuebs:  1                 Tabletcafé 60+                                                    9:00-12:00

Diamars:     6              Anochi di Pelicula na George Madurostraat              19:00

Diahuebs:   8               Anochi di Pelicula na George Madurostraat              19:00

Diasabra:   17              Quiz Premio Shoco di biblioteca                                  15:00-17:00                                     

Diamars:    20             Presentacion tesis Master den Idioma na  Arubiana* 17:30-19:30

Diasabra:   24             Quiz Premio Shoco di biblioteca                                  15:00-17:00

Diamars:    27             Presentacion tesis Master den Idioma na  Arubiana*  17:30-19:30

Diabierna: 30              Apertura di Festival di Buki pa Mucha 2015             18:00

* Departamento Arubiana/Caribiana ta na Bachstraat 5 (T: 582-6924)

 

Durante henter luna lo tuma luga:

  • Encuesta 2015 relaciona cu servicio di Biblioteca www.bibliotecanacional.aw
  • Riba diamars y diahuebs  recorido den departamento Hubenil na biblioteca Playa pa klas entre 9:00-12:00 (por tuma contacto cu bibliotecarianan sra. Olivia Figaroa y sra. Sophiene Maduro pa traha un cita (T: 582-1580).

Durante luna aki lo tin yen di actividad cu atencion riba Ensenansa.
Pa clausura e luna, tin un anochi dedica specialmente na e actornan den area di Ensenansa cu a destaca den nan profesion.
Pa es motibo aki, ta aserca bo(so) pa nomina un persona den ensenansa cu a hasi un diferencia den bo bida, den di bo yiunan of conocirnan.Pa nomina, acudi riba e site di Departamento di Ensenansa: www.ea.aw y yena e formulario di “Appel di Oro”




Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn