Amina Blackwood Meeks di Jamaica ta conta storia

Den un sala di conta storia renoba
Amina Blackwood Meeks di Jamaica ta conta storia

E edificio di biblioteca tin un ‘fresh new look’ cu su colornan bibo. Tambe e sala di conta storia (Verteltoren) na prome piso a keda completamente renoba. Aki normalmente e actividadnan pa e chikitonan ta tuma lugar.

Pa celebra e reapertura oficial hunto cu muchanan di Aruba biblioteca ta presenta contamento di storia. Diamars ultimo Olga Buckley a conta e storia di ‘E prinses cu no kier a peña su cabey’. Esaki ta prome actividad cu a tuma lugar den Verteltoren y ta spera cu hopi mas ta sigui den 2013. E storia ta un traduccion na Papiamento di e buki di e autora Hilli Arduin ‘Ivana, de prinses die haar haren niet wilde kammen’ traduci pa Olga Buckley y Desiree Correa.
 

Amina Blackwood Meeks
Diahuebs atardi pa 4’or tin contamento di storia cu Amina Blackwood Meeks, un storyteller for di Jamaica. Amina ta duna 3 presentacion na biblioteca y ta bishita diferente scol basico tambe e siman aki pa conta storia. Diaranson e ta di bishita cerca e studiantenan di Instituto Pedagogico Arubano (IPA) pa duna nan informacion di e arte di contamento di storia. Amina tabata riba programa di Festival di buki pa mucha november ultimo pero pa motibonan no prebisto mester a cancela su biahe y a cambia esaki pa januari 2013. Tin ora cos ta sosede pa un motibo y awor Amina ta e ‘star guest’ durante siman di actividad special den cuadro di re-apertura oficial di biblioteca su edificio central na G. Madurostraat. Un invitacion ta bay pa tur mucha pa diahuebs awor 4or na biblioteca. E presentacion aki ta na Ingles. Un invitacion special tambe pa e comunidad Jamaiquino bishita biblioteca.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn