Andrea Tchong-Engels

‘Bubu y Bibi Burico’ y ta un produccion di e autora Andrea Tchong-Engels. Andrea Tchong- Engels no ta un desconoci den e mundo di skirbi buki, ya cu esaki ta su di 2 titulo. Andrea a debuta cu su buki ‘Pepe Pelican’, cu ta trata e bida di e pelicanonan na Aruba.

Bubu y Bibi BuricoAndrea Tchong- Engels a nace na Mierlo, Noord Brabant na aña 1943 y a gradua pa diferente certificado den enseñansa manera entre otro den handelskennis, huishoudkunde, handenarbeid y SPD. Tambe Andrea Tchong- Engels a dedica mas o menos 20 aña den e ramo di educacion basico y avansa na entre otro MULO y MAVO. 

Andrea a hasi Aruba su hogar, na unda e ta traha y biba. Pa un tempo caba e tin un negoshi propio, ‘Raamboutique’ cua ta carga e responsabilidad di decora bentana cu diferente sorto di cortina pa proteha contra e solo. E ta duna les di conviccion y ta duna bijles na muchanan cu tin’e dificil.

Den su prome buki Pepe Pelican, nos a sera conoci cu Janchi, e personahe principal den e bukinan di Andrea. Janchi ta topa Pepe, e pelican. Janchi ta haya un boter di lechi regalo for di Pepe pa e bebe, pa asina aki e por compaña Pepe pa bai conoce su famia mas di serca. Den e buki ‘Pepe Pelican’, bo ta lesa con Janchi ta bay di aventura hunto cu Pepe y asina aki e ta siña conoce e bida di e pelican di serca. Na aña 2001 Andrea Tchong- Engels a participa como autor den e festival di buki debutando cu su buki Pepe Pelican.

Bubu y Bibi Burico, ta un buki dedica na nos buriconan den naturalesa. E buki Bubu y Bibi Burico a wordo ilustra dor di Lara Kuiperi, un artista hoben cu ta sali pa prome biaha como ilustradora di buki. 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn