Anna Woltz tambe ta presente na Festival di buki pa mucha di biblioteca

Biblioteca Nacional Aruba den cuadro di e Festival di Buki pa Mucha, tin e autora di buki pa mucha di bishita for di Hulanda Anna Woltz. E ta forma parti di e grupo di e autor- y contadonan di storia cu lo bishita diferente scol den siman venidero di 1 pa 8 di november. Tambe e lo topa merdia cu un publico hoben na e librerianan y na Biblioteca Nacional Aruba.

Anna Woltz a nace dia 29 di december 1981 na Londres. Dia cu e tabatin un aña y mey, el a muda hunto cu su mayornan pa Den Haag. Caminda su ruman muhe chikito Sarah a nace.

Cu skirbimentodi buki Anna a cuminsa tempo e tabatin diesdos aña. Pasobra e gusta cushina el a bin na e idea di skirbi un buki di cinco mucha cu hunto a cuminsa un restaurant. Solamente e no a logra di skirbi di berdad e buki aki: despues di tres pagina e no tabata sa con pa sigui.

Atraves di e añanan siguiente el a purba tur vacansi grandi pa skirbi un buki. Ora tur hende tabata na beach, e tabata tras di su computer, cu su bikini bisti. Pero e vacansinan tabata demasiado cortico pa por a termina cu un buki, p’esey el a dicidi di skirbi cuentanan cortico.

 Un aña escolar completo su bida na scol tabata ser publica den un columna den de Volkskrant; over di su maestro-, mayornan, spiekmento, vrijmento y redo. E columnnan ey a wordo paketa pa fin di e aña escolar, como e buki,  ‘Overleven in 4b’. Anna tabatin dies shete aña dia cu el a skirbi e buki di e muchanan cu a cuminsa cu un restaurant di berdad. E buki ey ta trata di tur cos di cushina, di famia, amistad, vacansi, cushina y chocolademousse.

Anna a studia Historia na Leiden y awor e ta biba na Utrecht, na unda henter dia e ta sinta tras di su laptop. E ta skirbi over di bestia ‘Red mijn hond’! Evi, Nick y ami pero tambe exitante aventuranan di vacansi y tormenta.

Su buki ‘Ik kan nog steeds niet vliegen’ a gana aña pasa e premio  ‘Thea Beckman’. E cuenta ta trata di dos mucha cu despues di e segunda guera mundial a bay biaha – mescos cu Anna su tata a haci tempo cu e tabatin dies tres aña di edad. E buki mas recien ‘Mijn bijzonder rare week met Tess’ a wordo bon acepta; cu criticonan a yam’e un buki emocionante, inteligente, conmovedo, resfrescante y yen di humor. E buki di mas nobo, ainda ta den computer; esey ta hunga na New York. Aña pasa Anna a biba ayanan pa tres luna, ora orkaan Sandy a pasa aya banda. Over di e orkaan ey su buki cu e ta skirbiendo ta trata.

Como cu e tema di e festival di buki pa mucha e aña aki ta Deporte y Wega, Biblioteca Nacional Aruba a forma un grupo di escritor, ilustrador y contador di storia hopi diverso y for di diferente pais. Tur mucha ta invita pa e fiesta di apertura diabierna dia prome di november dilant’i biblioteca pa 5 or di atardi. Tur actividad ta gratis.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn