Anochi di informacion pa crêche

Lesamento ta un herment indispensabel pa desaroyo y formacion di un pueblo. Bon Nochi Drumi Dushi ta un proyecto di promocion di lesamento cu e meta pa stimula lesamento cerca e mucha di chikito caba.

Mirando e interes grandi cu tabatin pa e anochi di informacion pabou di brug, FBNDD a priminti di tene un encuentro similar pariba di brug tambe.

Pa medio di esaki FBNDD ta invita tur guia di crêche pa un anochi di informacion, riba diamars 11 di november di 18.30 pa 20.00 na Scol di Arte den Pastor Hendrick straat 103 na San Nicolas. Durante e anochi aki FBNDD lo duna un impresion di e proyecto y lo splica tocante e importancia di lesamento pa mucha. Lo tin tambe oportunidad pa inscribi pa bishita na cas.

E guianan presente lo ricibi un pakete di buki pa nan crêche pa cortesia di autora Sra. Alida Kock publica pa su Cas Editorial La Kock Publishing.

Teniendo na cuenta cu cupo ta limita FBNDD ta pidi pa inscribi pa e anochi aki riba nos adres di mail; bonnochidrumidushi@gmail.com, nos pagina di facebook bonnochidrumidushi of via telefon 7494567 / 5881391, pa mas tarda dialuna dia 10 di november.

Fundacion Bon Nochi Drumi Dushi ta gradici Sra. Kock pa e bunita gesto y Unoca cu a percura pa transporte di e bukinan di Hulanda pa Aruba.

Anochi di informacion pa crêche.

Fecha:  dialuna 11 di november.

Orario: 18.30 – 20.00

Luga: Scol di arte, Pastoor Hendrick straat





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn