Anochi di pelicula pa mucha na biblioteca

Den vakantie grandi tin diferente presentacion di pelicula na e teatro den aire liber di biblioteca. Biblioteca Nacional Aruba ta invita tur mucha hunto cu nan mayornan, primo y primanan, amigo y amiganan pa bin disfruta di anochinan di pelicula den aire liber durante vakantie grandi.

E actividad ta tur diaranson na Sucursal San Nicolas y tur diahuebs na Biblioteca Nacional Aruba, cuminsando pa 7’or di anochi. Durante 5 siman, cuminsando dia 8 juli na San Nicolas y dia 9 di juli na Playa. Na playa e teatro ta situapatras di e edificio) .

Peliculanan cu biblioteca ta pasa riba su big screen ta ‘Rio 2’ y ta sigui dianan 15 y 16 di juli cu ‘Spongebob: Sponge out of water’. Di tres presentacion ta cay riba dianan 22 23 di juli cu ‘How to train your dragon 2’, dianan 29 y 30 di juli muchanan por wak ‘Big Hero 6’ y e ultimo siman lo ta dianan 5 y 6 di augustus cu ‘Home’.

Tin un skina di co’i pasa boca, refresco y juice na prijs familiar. Bini uno, bini tur. Entrada ta solamente un Sonrisa! 

Corda: Diaranson: na biblioteca San Nicolas y diahuebs na Playa.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn