Apertura exposicion di potret ‘ E lesado’

Apertura exposicion di potret ‘ E lesado’

Diabierna dia 31 di mei entre 7’or pa 9or tin apertura di e exposicion di potret ‘E lesado’ na biblioteca. Esaki ta habri pa un y tur. E exposicion aki ta un proyecto di comunidad. A pidi diferente hende pa saca potret di un lesado y manda esaki pa biblioteca. Un total di 65 persona a reacciona y a participa na e exposicion aki cu un bunita potret. Tur e potretnan hunto ta duna e refleho di e goso di lesamento. Hende grandi y mucha cu ta bay completamente den e mundo di e buki. E exposicion ta keda habri durante vakantie grandi. Biblioteca Nacional Aruba ta invita tur hende pa ta presente na e apertura y muy en especial e fotografonan cu a participa hunto cu nan modelo y famia.

E exposicion aki ta un promocion pa lesamento y a la vez e ta sirbi como decor pa un festival di lesamento cu ta tuma lugar dia 12 y 13 di juni na biblioteca. Esaki ta un evento caminda un grupo di hende ta lesa un fragmento for di nan buki faborito. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn