ARTE DEN BARIO cu exposicion SUMMER DREAM

Ateliers ’89 ta presenta e exposicion ‘Summer dream’. Apertura ta diadomingo awor 6or. Esaki ta e resultado di e workshop pa hoben ‘Arte den Bario’.

ARTE DEN BARIO ta un programa unico di Ateliers ’89 subsidia pa CEDE Aruba, unda ta traha cu hobennan den diferente barionan di Aruba. Cu diferente disiciplina di arte, pa asina yega na un manera mas facil cu arte cerca di e hobennan den e barionan di Aruba.

Na e ocasion aki a dicidi di tene e ultimo workshop di Fotografia di ‘Arte den Bario’ na Ateliers '89 mes na Oranjestad pa un luna largo. Unda manera semper a ofrece un workshop completamente gratis cu ayudo extra di UNOCA, Compra y 4 Sale/Quick print. Un workshop di nivel halto dicta pa e maestro-artista Daniel Benaim di Caracas, Venezuela, cu a sa di haci un worshop excelente pa e participantenan cu hopi pasenshi y cariño. Den e impactante BLACK BOX na Ateliers '89, for di prome dia caba e workshop a mustra di ta uno fuera di lo comun unda e enfoke tawata e uso optimal di tecnica di luz. E muchanan participante a keda encanta cu e workshop. Problema di camera y laptop MAC a keda resolvi cu e poco cu tin na Ateliers '89, pa asina realisa e exposicion aki titula ‘SUMMER DREAM’.

Tur hende por bay mira e resultado di e tayer Diadomingo awor den e salanan mayor na Ateliers '89. Bo presencia ta altamente aprecia. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn