Arte Poetica pa coleccion nacional

Diaranson ultimo, e conocido autor y poeta Quito Nicolaas a haci biblioteca un bishita. El a ricibi un caloroso bonbini di directora Astrid Britten y hefe di Departamento Arubiana sra. Des Croes. Quito Nicolaas a bishita biblioteca pa regala un ehemplar  di un antologia internacional di poesia cu e titulo ‘Arte Poetica’.

Esaki ta un coleccion di poesia di 36 poeta di diferente pais di Sur America y Europa. Seleccion y redaccion di e poemanan tabata den man di Claudio Simiz (Buenos Aires, 1960) un reconocido estudioso di poesia di Argentina. Simiz ta profesor di Literatura. E coleccion ta contene dos poema di Quito Nicolaas.

Publicacionnan di Quito Nicolaas ta ‘Eclips Politico’ (1990), ‘Ilusion Optico’ (1995), ‘Destino’ (2000), ‘Gerede Twijfels’ (2002), ‘Tera di Silencio’ (2004) y ‘Atardi di antaño’ (2005). Tambe diferente publicacion a sali den coleccionnan manera: Island of mine (2000), Bentana Habri (2004), Met de wil elkander bij te staan (2004), Van de Prinsengracht (2007) y ‘Sombra di recuerdo’(2013).

E obra ‘Arte Poetica’ ta keda warda den Coleccion Nacional di Biblioteca Nacional. Departamento Arubiana tin como tarea principal warda tur publicacion di Aruba, tocante Aruba, skirbi pa Arubiano, cu tin Aruba como topico, sea ta un novela, investigacion, rapport, relato etc.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn