Aruban rascals a ricibi nan buki di Bella y Edwin

Mañan dia 2 di april 2015, ta “Dia Internacional di buki di mucha”.  Y ta pesey e autor Irmgard Frans a scohe e fecha aki pa introduci e serie di bukinan di “Bella y Edwin”.

Tambe e fecha aki a wordo escohi, pasobra cu ta e fecha di nacemento di e gran autor di storianan pa mucha Hans Christian Andersen.

E bukinan di “Bella y Edwin” nos figuranan Arubiano cu nan aventuranan, a wordo crea pa Irmgard Frans cu e meta pa representa un otro parti di e cultura di nos hendenan. E “cultura di nos weganan di infancia” na un forma artistico di dibuho. E manera di hunga di antes usando nos fantasia cu e accento ariba e parti “ondeugend”. No solamente muchanan lo por lesa y gosa di e storianan, pero tambe mayornan y sin lubida e welo y welanan. E storianan ta den forma di comics y ta na Papiamento.

Tambe e autor kier a haci un diferencia den e lay-out di e bukinan di Bella y Edwin y a scohe pa traha nan den e forma di sinfonia. Esaki ta haci e lesamento di e bukinan algo special y tambe bunita pa tin den coleccion. Di e serie di 12 buki, ta publica e prome 3 awe. E bukinan lo ta obtenibel na van Dorp, Bruna, Plaza Bookshop, Antraco y cerca e autor na cell: 690 0122

Palabranan di e autor:Mi kier a gradici di curazon, UNOCA pa kere den e proyecto aki. Unoca a haci cu Aruba por disfruta di mi creacion. Tal bes Aruba por haya y bira conoci tambe den exterior pa su mesun “Heroenan di comics”?  Mi tin un Mision y Vision cu e proyecto aki.                                                                                                                     

Mi mision ta: Pa na un manera artistico, crea storianan di identificacion y inspiracion, pa preserva e cultura di nos weganan di infansia, e goso y alegeria di cada un di nos.          Mi vision: Pa e hobennan den tur pais di mundo, sera conoci cu e aventuranan di nos figuranan Arubiano Bella y Edwin”.

Lesamento ta engrandece nos fantasia.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn