Astrid Gietel

Astrid a nace dia 15 di augustus 1954 na Aruba y e ta bin di un famia di seis ruman die e bario di Dakota. Scol basico el a cuminsa na Prinses Beatrix y despues Astrid a bai Mon Plaisir ya cu e tempo ey Mon Plaisir a caba di habri y nan a haci un yamada na e mayornan protestant pa nan manda nan yiu eynan.
Despues di scol basico Astrid a bay MAVO y ora el a caba esaki el a bai APA pa maestra di scol cual el a termina na aña 1977. For di mucha Astrid kier a bira maestra di scol. Astrid tabata gusta hunga pa maestra, den su weganan e tabata pone lata di palo, basora y mop contra di muraya representando e muchanan di scol y mas cu claro Astrid mes tabata e maestra, cu un linial den su man.
Tempo Astrid tabata mucha, su wela semper tabata conta e storia mientras cu e tabata strika. Den tur su storianan tabata tin un can-tica of un rima pero tur e storianan tabata tin un final tristo. E storianan aki Astrid a usa den e periodo cu e tabata traha na Reina Beatrix Kleuterschool y awor aki na Biblioteca Nacional Aruba pero Astrid si a pone un ‘happy end’ pa nan.

 

Durante e periodo di 8 aña trahando na scol Astrid tambe a compone 4 cantica pa e scol participa pa Vos y Landia y eynan su soño a bira realidad ora cu tres di nan a aali den e finalistanan, ‘Mi futuro’, ‘Mi soño’ y ‘Mi ta un mucha chikito’. Tambe el a compone e cantica pa e Festival di Buki pa Mucha na aña 1995 ‘Pandiya di Bestia’.
Pa motibo di un operacion celebral Astrid no por a sigui den enseñansa. Den su trabou na biblioteca e ta-bata traha cu mucha tambe, dunando nan informacion di buki, yuda nan cu materia y conta cuenta pa nan na biblioteca y scolnan. Awo Astrid ta cu pensioen, pero te ainda e ta gusta bin conta storia pa mucha.
“Hallo, mi ta hopi contento cu mi por participa un biaha mas na e Festival di Buki pa Mucha. Mi experen-cia den pasado cu e Festival di Buki pa Mucha tabata un exito. E goso di e muchanan y e maestronan ta un placer pami.”





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn