Autornan di bishita

Biblioteca Nacional Aruba ta organisa e di 23 Festival di Buki pa Mucha. ‘Ra…ra…ra con por ta? lesa pa bo sa!’ ta e lema di e festival y e tema ta naturalesa, ciencia y tecnologia. Un festival di buki cu participacion di mas cu 50 scol preparatorio, basico y special riba nos isla cu lo ricibi bishita di autor, ilustrador y contador di storia. E apertura di Festival di Buki pa Mucha e aña aki ta tuma lugar diabierna dia 30 di october patras di biblioteca na Playa.

Biblioteca Nacional Aruba ta organisa e festival aki pa promocion di lesamento y pa involvi mucha activamente den e mundo di buki cu un siman di actividad rond di buki.

Diferente autor ta bishita e scolnan primario, basico y special riba nos isla pa duna un presentacion special durante e prome siman di november. Biblioteca ta spera di Hulanda e autornan di buki pa mucha Jeroen Hoogerwerf, Curt Joshua Fortin hunto cu ilustrador Nicky van Leent y tambe ilustrador Mariella van de Beek. Riba e website di biblioteca tin informacion di tur autor cu ta bishita e scolnan y tambe di tur actividad prome y durante e siman di e festival di buki pa mucha.

E actividadnan ta tuma lugar diferente caminda, tanto na biblioteca como na diferente scol. Tur aña ta scohe un tema central pa e festival y ta presenta un buki como e Regalo di Siman di Buki. Durante e proximo simannan lo informa mas di tur autor y ilustrador y tur noticia rondo di e Festival di Buki pa Mucha 2015. Bishita na scolnan ta di 2 t/c 6 di november. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn