Beber de la sombra

Biblioteca Nacional Aruba ta invita publico pa su prome evento di 2018. Y biblioteca ta extende un invitacion special pa amantenan di literatura Latinoamericana pa un presentacion di un antalogia di poesia di sr. Victor Fuenmayor titula ‘Beber de la sombra: poesia reunida 1986-2017’. Presentacion ta tuma lugar na biblioteca na George Madurostraat, diamars dia 9 di januari 2018 pa 7or di anochi.

Sr. Victor Fuenmayor a nace na Maracaibo, Venezuela y e ta un escritor famoso, tambe coreografo, investigador di arte, docente y tallerista. sr. Fuenmayor ta duna lectura rond mundo di arte, creatividad y expresion. Actualmente sr. Fuenmayor ta dicta tayer di Curpa, espacio y comunicacion. Sr. Fuenmayor ta acompaña pa Museologo sr. Jimmy Yañez director di museo XXX durante su bishita pa Aruba. Sr. Fuenmayor ta bishita Aruba pa 30 aña caba. E ta sinti cu tin lasonan historico entre Aruba y Venezuela, tambe lasonan entre famianan di Aruba y Venezuela y ta pesey e ta haya interesante pa duna tayer tocante Creatividad riba nos isla. Den dunamento di tayer semper e pregunta particular ta presenta den su mente: “Cua idioma e Arubiano ta papia y ta expresa su mes den dje?”, como cu Aruba ta un contexto multilingual.

Invitadonan special y presentador ta Minister di Enseñansa, Ciencia y Desaroyo Sostenibel, dr. Rudy Lampe y artista contemporaneo Natusha Croes. Lo tin declamacion di algun poema. Despues di e presentacion di e obra ‘Beber de la sombra’ lo tin algun ehemplar na benta. Un y tur ta bon bini.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn