Bella y Edwin ta bishita scol

Autor y ilustrador Irmgard Frans ta presenta su storianan di Bella y Edwin na muchanan di scol otro siman. Esaki den cuadro di e Festival di Buki pa Mucha cu ta habri diabierna awor cu un fiesta grandi patras di biblioteca na Playa. Tur mucha cu nan mayor ta bon bini for di 5or.

Irmgard Frans a yega di expone su pinturanan di Bella y Edwin na biblioteca den sala di exposicion. Y akinan e pintor a haya e smaak pa bay mas cerca di mucha.

Su proyecto di skirbi “stripverhalen” a nace dor di un amiga di infancia kende despues di a lesa su prome buki “En ik droomde”(2012), a pidi’e pa skirbi un buki di tur aventuranan di nan hubentud. Pa por comparti cu mucha y pa keda cu recuerdonan agradabel. Mirando cu e aventuranan ta hopi, a dicidi pa conta nan den forma di storia pinta. Irmgard ta kere cu e tema di e festival ‘Naturalesa, ciencia y tecnologia’ ta pas bon den e tempo aki y e lo conta algo di e tema y despues ta pasa pa un storia basa riba e tema. Irmgard kier comparti cu mucha, con antes e muchanan tabata hunga usando nan fantasia. Su inspiracion ta bin di recuerdonan di tempo e tabata chikito y cu Irmgard cu su rumannan y amiganan tabata hunga pafo. Irmgard ta traha mas o menos un luna riba un pintura. Tempo cu Irmgard tabata chikito e tabata gusta autornan y ilustradornan Willy van der Steen, Chris van Abkoude y Hans Christian Andersen y un par mas. E tabata gusta e bukinan di Billie & Betsie Turf masha hopi mes. Esaki ta e prome biaha cu Irmgard Frans ta participa na e Festival di Buki pa Mucha.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn