Benefit concert cu Delbert Bernabela

Delbert Bernabela ta un di e musiconan cu tabata riba e scenario di Cas di Cultura diasabra anochi na augustus. Carlos Bislip hunto cu coleganan musico a presenta un Benefit concert pa recauda fondo pa yuda talentonan musical. Delbert Bernabela ta biba na Hulanda pa algun aña caba pero lo ta un par di dia na Aruba y cu mucho gusto e ta join e otro musiconan pa e presentacion na Cas di Cultura.

Delbert, un Benefit concert pa yuda mucha cu talento musical ta necesario? Na Aruba nos tin hopi mucha y hoben cu talento musical cu lastimamente nan mayornan no semper ta dispone di e medionan financiero pa por laga nan yiunan sigui un estudio na Aruba of den exterior. Mi ta aplaudi e iniciativa di Carlos y alabes mi ta hopi orguyoso pa por forma parti di e team pa por duna un aporte pa inverti den nos talentonan pa e siguiente generacionnan.
Kico ta Aruban Jazz pa bo? E fusion di nos ritmonan Arubano y harmonia chromatico. Cu otro palabra, usando e concepto di harmonianan di Jazz cu ritmo di Tumba, Wals, Dansa etc.
Bo ta biba na Hulanda cu bo famia. Con ta bayendo cu bo carera como musico? Kizas specialisando den un cierto area? Mi carera como musico ta bayendo bon. Mi mester bisa si cu a tuma varios aña prome cu mi por a haya mi mes na Hulanda y e ta keda un reto continuamente. Hulanda ta sumamente multicultural esaki ta trece cune un reto hopi agradabel pa por intercambia cu musiconan di diferente cultura y paisnan.
Kico bo ta trece riba e scenario diasabra anochi? Lo mi bay duna un tributo na mi mama cu ta cumpliendo 78 aña cu un tema cu mi ta bezig cune ya pa algun aña caba. Y tin motibonan special pa esaki.
Bo ta bin biba bek na Aruba? Kico lo bo kier haci na Aruba dia bo bolbe? Kico ta bo plan pa futuro? Por lo pronto mi no tin plannan pa bolbe Aruba pa biba. Pero lo mi semper haci mi best pa por ta un embahador ehemplar pa mi pais, unda cu mi ta. Mi mester bisa cu awor cu mi ta for di Aruba, mi a realisa un aprecio hopi mas extenso pa mi pais.

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn