Biblionef ta regala biblioteca buki pa mucha

Boluntarionan Carla van Eerden y Sandra Postma a entrega un donacion di buki pa mucha di Biblionef na biblioteca e siman aki. Biblionef a manda un donacion pa biblioteca di alredador 400 buki na diferente idioma. E coleccion di buki a keda entrega na directora di biblioteca, sra. Astrid Britten.

Biblionef ta un organisacion cu ta percura cu rond mundo mucha cu no tin aceso na buki por haya un coleccion di buki. Biblionef na Hulanda a keda estableci na 1992. For di aña 2000 dos boluntario ta activo pa Biblionef na Aruba, sra. Carla van sra. Eerden y Sandra Postma. Hunto nan ta aporta activamente na promocion di lesamento dor di reparti e bukinan cu nan ta ricibi for di Biblionef Hulanda pa diferente centro, creche, scol y biblioteca. Nan lo ta presente na e apertura di Festival di buki pa mucha cu un mesa cu informacion di Biblionef. Segun Biblionef tin hopi desaroyo den e trabou di bibliotecanan escolar durante ultimo añanan. Nan meta principal ta pa stimula tur mucha lesa, como cu esey ta e base pa adkeri conocimento.

Biblioteca ta gradici Biblionef pa e bunita gesto aki cu ta un contribucion balioso pa tur mucha. Tur mucha por bira miembro na biblioteca y fia buki henter aña. Miembrecia ta solamente 1 florin pa aña. Tin buki pa mucha di tur edad. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn