Biblioteca a haya bishita di Minister sra. Michelle Hooyboer-Winklaar

Diabierna merdia Minister Hooyboer-Winklaar a bin cera conoci cu biblioteca na Playa y su personal. Minister sra. Michelle Hooyboer-Winklaar ta minister di Enseñansa, Maneho di famia y Educacion di adulto bou di cua biblioteca ta resorta,. E bishita tabata e prome bishita di trabou oficial desde cu e Gabinete Eman II a keda instala. 

Directora di Biblioteca Nacional Aruba a ricibi minister y su delegacion cu man habri. A anticipa e bishita aki di hopi dia y directie tabata contento di por a duna minister un recorido den edificio principal na Oranjestad. A pasa den tur departamento y a saluda e empleadonan. Directora di biblioteca a duna un splicacion di e diferente trabou cu ta wordo haci. Despues di e recorido sra. Britten y sra. Semeleer, hefe suplente, a sinta na mesa cu minister y su team. Diferente punto importante pa biblioteca y pa maneho di minister a wordo trata. Na diferente ocasion minister a expresa e importancia di lesamento y di brinda publico e aceso optimal na biblioteca como parti di su vision.  Segun directie di BNA e bishita a bay bon y e tabata un placer pa por a combersa cu minister riba diferente asunto, tambe directie ta contento cu e interes y sosten cu minister ta demostra pa e trabou di biblioteca y e desaroyonan riba e tereno aki. Minister Hooyboor-Winklaar ta bay sucursal San Nicolas y Dept. Arubiana tambe den un proximo bishita.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn