Biblioteca habri pa studiante y miembro durante vakantie

Durante vakantie escolar di Pasco binidero, Biblioteca ta keda habri mas tanto dia cu ta posibel pa por duna studiantenan espacio pa studia, y usuarionan haci uzo di e servicio di informacion y e coleccion amplio di buki pa lesa durante vakantie y tambe e Internetroom y WIFI gratis.

Vakantie di fin di aña pa hopi ta un periodo cu tin mas tempo pa lesa, mas tempo pa bishita biblioteca cu famia henter y mas tempo pa traha riba tarea di scol cu mester keda cla pa januari. Pa por cumpli cu e demanda pa e servicio di biblioteca ta cera menos dia cu ta posibel.

Biblioteca Nacional Aruba ta habri dia 20 di december te 4or Dialuna dia 23 di december segun orario regular. Biblioteca Nacional Aruba ta cera pa e dianan di Pasco, dia 24 te cu 26 di december. Biblioteca ta habri diabierna dia 27 di december, orario normal. Dialuna dia 30 di december biblioteca ta habri te 8or di anochi. Dia 31 di december te cu dia 2 di januari biblioteca ta cera. Porta ta habri bek diabierna dia 3 di januari segun orario normal. Esaki ta mescos pa Dept. Arubiana.

Gerente y staf di Biblioteca Nacional Aruba ta desea henter pueblo di Aruba dushi dianan di fiesta y un bon cambio di aña. Gerente ta spera tambe cu tur bishitante y miembro ta bishita biblioteca durante vakantie di fin di aña.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn