Biblioteca Hubenil

Bon bini riba e pagina pa muchanan di Biblioteca Nacional Aruba!

Biblioteca Nacional Aruba
Biblioteca Nacional Aruba ta pa tur mucha. Special pa bo tin un biblioteca hubenil. Mucha por fia tur nan bukinan favorito. Esaki por ta buki di prenchie, storia, buki di lesa pa scol y bukinan informativo pa spreekbeurt. Na Biblioteca bo por lesa tambe e bukinan premia cu e griffel di oro y plata.
 

Idioma
Pasobra e muchanan na Aruba ta papia diferente idioma e biblioteca hubenil tin buki den diferente idioma pa fia. Por ehempel tin buki na Hulandes, Ingles, Spaño y naturalmente na Papiamento.

Busca buki
Si bo ta busca un buki special y bo kier sa si biblioteca hubenil tin e buki aki bo por bai na e balie di informacion unda nan ta asisti y yuda bo cu hopi cariño, tambe por pasa na e balie si bo tin mas pregunta.


Centro di Informacion Digital
Na Biblioteca bo por traha riba computer pa traha bo proyectonan riba computer. Ta hopi bon si bo mes trece bo usb pa asina bo por tene bo proyecto bon warda. Si bo ta prefera print bo spreekbeurt di biaha esei ta posibel. Ademas bo por subi riba internet pa busca informacion. Pero si bo ta bou di 12 aña, anto bo ta bin cu un di bo mayornan.


Bibliobus
Si bo mes no por bai te na Biblioteca pa fia un buki, bo por fia tambe na e Bibliobus cu ta para na bo scol. E bibliobus tin buki pa mucha te cu 13 aña. Si e buki cu bo kier fia no t'ey bo por pidi pa nan trece un otro biaha.

Bira miembro
Pa fia buki na e Biblioteca Hubenil y bibliobus bo mester ta miembro. Riba e website aki riba e pagina 'Miembrecia' bo por lesa con bo por haci esaki. Bo por pasa un rato na Biblitoeca cu bo tata of bo mama. Asina bo por haya informacion na e balie con pa bira miembro.

Actividad
BNA ta organisa tur sorto di actividad pa bo. Bo por participa cu bo scol, cu amigo y amiga. Riba e website aki bo por lesa riba e pagina di Actividad cua actividad tin y na unda.
Asina tin mercado di buki, merdia di conta cuenta den vakantie y festival di buki pa mucha.
Nos di biblioteca ta keda masha contento si abo tambe ta participa na e actividadnan aki .

Anto bin na BNA pa bo participa. Siguimi pa Biblioteca.


Huki pa studia
Si bo kier lesa un buki na biblioteca bo por haci esaki. Tin huki special pa bo sinta trankil lesa dushi. Den e hukinan aki bo por sinta studia y lesa documentarionan y enciclopedianan y revista.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn