Biblioteca San Nicolas habri

Biblioteca San Nicolas a muda temporalmente pa un otro espacio y ta habri dialuna awor. Motibo di esaki ta cu tin trabounan di renovacion ta tumando lugar riba e edificio di biblioteca. Pa e proximo lunanan biblioteca ta situa den edificio di ex–SINFA na Zeppenveldtstraat # 10.

Aki e publico di Pos Chikito, Savaneta y San Nicolas por acudi pa cualkier informacion, prestamo di buki y otro servicio di biblioteca. Por usa e espacio pa lesa, studia y otro actividad informativo.

Debi cu e espacio ta limita ta organisa durante vakantie grandi diferente presentacion di pelicula den aire liber pa mucha. Cada diaranson anochi tin presentacion ta cuminsa 7or na Scol di Arte na San Nicolas. Esaki ta danki na cooperacion di UNOCA. Presentacionnan ta tuma lugar dia 12 di juli, 19 di juli, 26 di juli y e ultimo presentacion ta diahuebs dia 2 di augustus. Esaki ta un actividad pa famia y ta gratis.

Pa e muchanan di San Nicolas y becindario ta pasa e siguiente peliculanan:

  • 12 juli, 7or    Sing
  • 19 juli, 7or    Beauty and the beast
  • 26 juli, 7or   Boss baby
  • 2 aug., 7or   Smurfs

Alabes ta anuncia cu miembronan cu ta entrega nan buki durante vakantie grandi no ta paga boet. Entrega buki sin paga boet ta posibel te cu diabierna dia 25 di augustus. Un y tur ta bon bini. Biblioteca San Nicolas ta habri 5 dia pa siman non-stop di 9or pa 5or y tambe diamars anochi di 5or pa 7or. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn