Biblioteca ta haya un bunita obra

sr. Jose Garcia a regala Biblioteca Nacional Aruba un di su obranan. E obra di ceramica yama ‘Community’ (comunidad). Un calbas a sirbi como ‘mold’ pa traha e obra aki. E tin e grandura di un tayo y ta di e colornan cora, bruin y turquois. E tin e simbolo di comunidad y unidad. E obra aki, segun sr. Garcia, tin cu haya su ‘cas’ den un centro publico manera biblioteca. Esaki ta un obra for di e exposicion di ‘Spirito di cabrito’ cu Sr. Garcia a presenta na biblioteca na 2015. Sr. Garcia a entrega e obra aki na directora di Biblioteca Nacional Aruba, sra. Astrid Britten.

E exposicion ‘Spirito di cabrito’ ta un coleccion di obhetonan traha di klei di Aruba y sr. Garcia a haya su inspiracion pa traha nan for di e pinturanan di indjan (Rock paintings). E ta traha cu diferente simbolo cu tin un nificacion special, manera por ehempel un circulo di bida y figuranan indigeno.

Sr. Jose Garcia tin mas cu 35 aña caba ta biba na Canada pero e ta bin cas bek tur aña pa conecta cu su famia, su ‘roots’ y e comunidad. 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn