Bishita di cortesia y un donacion

E siman aki gerente di biblioteca a haya un bishita di un delegacion di e consulado di Venezuela. Durante e bishita aki e Consul general sr. Alírío Mendoza Galué a entrega 3 buki na directora di Biblioteca Nacional Aruba, sra. Astrid Britten.

Ta trata di 3 titulo interesante ‘Una historia de luces: 15 años de Revolucion Eléctrica en Venezuela’,  ‘Energía para el desarollo soberano’ (un coleccion di imagen) y ‘Obras de arte: colección del ministerio del poder popular para la energía eléctrica’, esaki ta un coleccion di potret di obranan di arte di artistanan Venezolano. E bukinan ta publicacionnan di Gobierno República Bolivariana de Venezuela, Ministerio del Poder Popular para la Energía Eléctrico. Tur tres publicacion ta duna un impresion di e mundo di energia y kico tur e ta tuma pa nos tin electricidad na cas y otro formanan di energia. E bukinan lo bay den coleccion di biblioteca

Ademas di e donacion aki e Consul a papia di e colaboracion entre Biblioteca Nacional Aruba y e Consulado pa loke ta trata ideanan pa intercambio riba tereno di literatura, arte y cultura.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn