Buki buki den wega, pianan na careda!

Cu un cantidad di mas di 13 autor di buki pa mucha di Aruba, Boneiro, Corsou, Hulanda y Costa Rica, Biblioteca Nacional Aruba lo inicia, diabierna 1 di november 2013, e acustumbrado Festival di Buki pa Mucha, cu lo extende te cu dia 8 di november, y lo tin como lema: Buki Buki den wega, pianan na careda! E tema e aña aki ta, Deporte y Wega.

Comision di Festival di Buki pa Mucha y empleadonan di Biblioteca Nacional Aruba, cu hopi empeño pa basta dia caba, ta trahando pa organisa e proximo evento cu ta bira un biaha mas uno, fabuloso!

E autornan di e festival lo bishita e scolnan y tambe lo presenta nan mes, pa  parti merdia na biblioteca di Oranjestad y e filial na San Nicolas.

Tambe Biblioteca Nacional ta brinda un workshop pa maestronan di scol basico y preparatorio, pa nan sera conoci cu e tema di e Festival, pa duna nan idea y material pa nan por uza na scol.

Esaki lo tuma lugar dia 30 di september te cu dia 3 di oktober 2013.

Pa 21 aña caba Biblioteca Nacional Aruba ta organisa ‘Festival di Buki pa Mucha’ pa promociona lesamento, pa hacie’le mas agradabel pa cada mucha.

Festival di Buki pa Mucha 2013 ta priminti di ta uno hopi interesante y educativo, tanto pa e mucha- su mayor- como pa e maestronan.

BNA kier a probecha e oportunidad di yama un y tur, bon bini na e apertura di e Festival di Buki pa Mucha, dia prome di november 2013, di 6 or pa 8 di anochi, dilanti di e edificio di BNA.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn