Cadushi di deseo na biblioteca

Lara Kuiperi

Lara Kuiperi a entrega biblioteca su ‘Cadushi di deseo’ diadomingo ultimo durante acto di biblioteca su Reapertura oficial na George Madurostraat.

Lara Kuiperi ta un artista di e generacion hoben cu rapidamente ta logrando reconocemento nacional. Lara ta bin di un famia artistico y a keda introduci na e proceso creativo desde un edad hopi hoben, explorando arte visual, musica y baile.

Su esfuersonan continuo den diseño di arte visual a resulta den varios premiacion nacional como internacional. Cu su edad di 27 aña su experiencia di trabou ta inclui proyectonan di arte internacional y galerianan di arte, illustracion pa buki y diseño di moda, diseño grafico y fotografia, y media como producer.

Despues di a caba su educacion general, Lara a cuminsa su educacion profesional na Hulanda, actualmente finalisando su Bachelor of Fine Arts Education.

Trankera di Arte ta un proyecto di Arte Publico di Aruba International Arts Foundation. Durante e aña di celebracion di 25 Aña Status Aparte, AIAF a invita 25 artista local pa crea un obra di arte den foma di cadushi. E proyecto aki tabata hopi exitoso y a keda inaugura durante bishita di Famia Real na Linear Park na november 2011. Despues di esaki cu sosten di Unoca tabatin varios otro exposicion di Trankera di Arte na Aruba. Un di e artistanan visual invita ta Lara Kuiperi. Y biblioteca tin su cadushi aki.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn