Calypso na Aruba

IPA ta tene su charla comunitario encuanto Calypso na Aruba

Musica di Calypso a hunga un rol hopi grandi den e historia di Caribe  Ingles como un di e maneranan principal pa documenta acontecimento na un  forma oral. Tambe Calypso ta conoci como “The Voice of the Poor” y “The  Voice of the Oppressed”. Tin un preocupacion grandi bou di algun grupo den  nos comunidad cu Calypso ta muriendo. Hasta tin ta bisa "Calypso dead
 already"!  Diaranson dia 29 di januari 2014 Instituto Pedagogico Arubano (IPA) y su  Centro di Investigacion y Desaroyo di Enseñansa (CIDE) lo tene un Charla  Comunitario titula: Calypso na Aruba
 
 Durante e encuentro aki ta bay tin presentacion di drs. Gregory  Richardson, docente y investigado riba tereno di cultura di Caribe y
 specialisa den musica. Tambe lo tin presentacion di docente y cantante di  Calypso Kenny Meyers MEd (Mighty Heads). Durante e encuentro lo trata  interes di Calypso y skirbimento di calypso bou di hoben, e rol di idioma  (San Nicolas Creole, English, Papiamento, multilingualismo), historia oral, Calypso y politica, Calypso vs roadmarch vs soca (kico e diferencia  ta, tin un diferencia?).  
 Na final di e presentacionnan lo bay tin oportunidad amplio pa haci  pregunta y hiba discusion.
 
 IPA ta invita henter e comunidad di Aruba pa asisti e encuentro aki.
 Fecha: Diaranson, 29 di januari 2014
 Luga: IPA (Isaac Wagemakerstraat 11, San Nicolas)
 Ora: 7:15or – 9:00 pm
 Entrada: Gratis
 Idioma: Papiamento y Ingles





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn