Canto di lama

Despues di e obra ‘City store’, publica na 2013, autor Joe Fortin ta debuta cu un compilacion di poema bou titulo ‘Canto di lama’. Joe Fortin a entrega 2 ehemplar na directora di Biblioteca Nacional Aruba, sra. Astrid Britten. City store tabata Joe Fortin su debut den e ramo di ficcion y ta contene 11 storia cortico cu ta mescla diferente realidad cu e mundo di fantasia y soño. Cu ‘Canto di lama’ Joe ta debuta como poeta.

Temanan di su poema ta entre otro, soledad y amistad, melancolia y deseo, soño y inspiracion, a base di autoreflexion, recuerdonan y elementonan di naturalesa. Su inpiracion ta bini for di susesonan di tur dia como tambe e deseo di bay cas bek, regresa  Aruba. Joe Fortin tin como 28 aña ta biba na Hulanda. El a bay studia na Hulanda y a sigui su carera ayanan pero e deseo pa bin cas bek un dia, ta keda den su curason.

Joe Fortin a yega di publica algun poema online y e reaccionnan tabata asina positivo y entusiasma cu un dado momento el a dicidi di compila nan y publica un buki di poesia. Un publicacion di 100 pagina. ‘Canto di lama’ ta referi na e echo cu e poeta/autor sa contempla cant’i lama y na mes momento e ta scucha e canto di e lama. Directora di Biblioteca Nacional Aruba a gradici e autor pa su bishita di cortesia y bunita regalo pa e coleccion nacional. Ta recomenda amantenan di poesia na Papiamento pa lesa e obra aki.

J.L. Fortin (Aruba, 1967) a studia Latin American Studies y a gradua den e ramo di literatura na Universiteit Leiden. Actualmente e ta investigando literatura di Aruba skirbi na Papiamento pa su doctorado (Phd).

Lesa mas di Joe Fortin:





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn