Carol Britton di Costa Rica, ta un invitado pa e tan popular Festival di Buki pa Mucha 2013

Tur aña e conocido Festival di Buki pa Mucha cu Biblioteca Nacional Aruba ta organisa cu hopi orguyo y dedicacion, tin otro tema. E tema di 2013 ta ‘Deporte y Wega’ y e lema ta: ‘Buki buki den Wega, Pianan na Careda’. E festival aki ta tuma lugar di dia prome pa 8 di November 2013 y un grupo di autor y contador di buki pa mucha for di Aruba, islanan di Caribe Hulandes, Hulanda y otro pais ta bishita sesenta scol riba nos isla. Carol Britton di San José, Costa Rica, tambe ta un invitado.

Carol a crea di su experencia den diferente manifestacion di arte y cultura, e proyecto pionero na Costa Rica cual el a yama: ‘Festival Flores de la Diáspora Africana’ cu e obhetivo principal di pone na su luga y logra un reconocimento grandi pa cultura Afrocaribense y Afrodescendiente en general.

Carol tin un obra pa muchatitula ‘Cuentos Afrocaribeños de la araña Anancy y sus amigos’, di cual el a wordo haci parti di e lectura cu ta ser recomenda door di e Ministerio di educacion publico na Costa Rica. E ta un buki di texto pa varios scol na su pais.

Carol actualmente ta compila y ta edita un antologia di mas di 50 escritor y poetanan di origen, Afrodescendiente y Sinodescendiente di 17 pais, cu a ser yama ‘Antalogía Literaria: Tenemos la Palabra’, cu lo wordo publica pronto.

Door di su trabao incansabel di encargo cultural, exigencia y reconocemento den cultura y otro areanan di e fondo social, e Circulo Universal di Embahadornan pa pas, a otorga Carol, e titulo di Embahadora Universal di Pas.

Pa un siman largo Biblioteca Nacional Aruba ta presenta un festival di buki atractivo y diverso. Na e evento tan grandioso aki lo ta presente pa e parti merdia di 3 pa 4 or, na biblioteca di Playa y San Nicolas:

4 di november

CORSOU : Ariadne Faries  - San Nicolaas  - CORSOU : Tio Ali  - Playa

5 di november

ARUBA: Liliana Braamskamp-Erasmus - San Nicolaas - BONAIRE:  Kathleen Thielman - Playa

6 di november

COSTA RICA: Carol Britton – Playa - HULANDA: Fred Diks - San Nicolaas

7 di november      

ARUBA : Gino Vrolijk - San Nicolaas - ARUBA : Emerita Emerencia - Playa

 

Biblioteca ta warda tur mucha di Aruba!





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn