Carol Britton ta conta storia di Nansi den klas

Carol Britton di San José, Costa Rica, ta un invitado na e Festival di Buki pa Mucha di Biblioteca Nacional Aruba y e ta bishita diferente scol e siman aki. Durante su prestentacion na e scolnan basico e ta conta e muchanan di e yegada di Nanzi na Costa Rica y Nicaragua. E ta conta storia di Nanzi y e ta acompaña cu storianan cu toca riba un djembe chikito. E ta scohe algun mucha di cada clas cu e ta bishita pa yude durante di su presentacion cu entre otro toca e djembe of actua den e storianan di Nanzi. Tambe e ta pinta hunto cu e muchanan y ta reparti algun dibuho cu e muchanan por entrega despues na biblioteca pa un exposicion chikito di nan pintura.  

E festival di buki pa mucha ta den full swing e siman aki y un grupo di autor y contador di buki pa mucha for di Aruba, islanan di Caribe Hulandes, Hulanda y otro pais ta bishita sesenta scol riba nos isla. Carol Britton ta naci na San José, Costa Rica. Carol a specialisa su mes riba e tema di Nanzi y e tin un obra pa mucha titula ‘Cuentos Afrocaribeños de la araña Anancy y sus amigos’. E ta un buki di texto den curiculo di varios scol na su pais.

Pa un siman largo Biblioteca Nacional Aruba ta presenta un festival di buki atractivo y diverso. Na e evento tan grandioso aki tambe tin actividad merdia den Biblioteca na Playa y San Nicolas di 3’or pa 4’or:

5 di november

HULANDA: Fred Diks - San Nicolaas - BONAIRE:  Kathleen Thielman - Playa

6 di november

CORSOW: Ariadne Faries - San Nicolaas - COSTA RICA: Carol Britton - Playa

7 di november   

ARUBA : Gino Vrolijk - San Nicolaas - ARUBA : Emerita Emerencia - Playa

 

Biblioteca ta warda tur mucha di Aruba!

 

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn