Celebracion na biblioteca cu musica di Carlos Bislip jr.

Celebracion na biblioteca cu musica di Carlos Bislip jr.

Carlos Bislip a deleita invitadonan cu su musica na biblioteca diadomingo ultimo, Bislip a toca na final di programa di Reapertura oficial na George Madurostraat.

Carlos Bislip Jr. ta percusionista, areglista, compositor y docente di musica. Actualmente e ta traha na Scol di Musica Rufo Wever.

E tin un bachelor degree den ehecucion di Berklee College of Music na Boston. Estudio directo den Pedagogia, composicion y historia di Jazz bou guia di professor David Baker na Indiana University. Carlos a obtene su Master degree den Administracion di Arte na Boston University.

Durante añanan cu a pasa Carlos a saca diferente CD cu musica di Jazz crioyo y a dirigi diferente concierto cu musiconan local den cua e ta stimula e musico pa bin cu propio composicion.

Ya pa diferente aña Carlos ta organisa actividadnan durante luna di april, e Jazz Appreciation Month. Ken no ta corda e conciertonan di Jazz den aire liber aki dilanti biblioteca den cua ta perform e banda cu ta consisti di studiantenan di Scol di musica Rufo Wever y otro musiconan. Un bunita proyecto di Carlos Bislip Jr. conhuntamente cu Biblioteca Nacional Aruba.

Un artista sumamente entusiasma y pasiona.

A clausura e programa di diadomingo cu un brindis. Carlos a compaña invitadonan y empleadonan cu su musica durante e brindis.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn