Charla Arqueologia sub-aquatico y Launch ‘Museum goes tech’ na biblioteca

Museo Arqueologico y Biblioteca Nacional Aruba ta invita publico pa un anochi interesante, diamars awor dia 23 di Mei pa 7’or di anochi na Biblioteca Nacional Aruba. E anochi aki Melissa Price, e Senior underwater archaeologist di e ‘Florida Bureau of Archaeological Research’, lo duna un presentacion tocante su expertisio den ‘Underwater Archaeology’ den cual e lo amplia di e situacion na Florida y link esaki na e situacion na Aruba. Alavez lo ‘lauch’ e anochi aki e proyecto “Museum goes Tech’, un colaboracion entre Fundacion 1403, Brenchi’s Lab y Museo Arqueologico, cu un pop-up ‘traveling’ expo y presentacion/ splicacion cortico.

Melissa Price, cu ta un experto den Arqueologia subaquatico, lo ta na Aruba pa un periodo cortico den cual e lo intercambia informacion cu expertonan di Aruba riba e topico di arkeologia sub-aquatico y alavez lo duna un presentacion na publico . E presentacion aki ta bai over di arqueologia sub-aquatico den practica y pakiko e ta asina importante,  ideanan eroneo tocante e estudio aki, y proteccionnan pa sitionan arkeologico sumergi. Ehempelnan specifico di Florida lo illustra con sitionan a ser exploita akinan den pasado y con esaki a conduci na proteccion di e sitionan. Alavez ta enfoca con e sitionan arkeologico bou awa por sirbi como experiencianan educacional pa e comunidad local, como paraiso pa bida marino, y como attraccion pa turista.

En conexion cu dia internacional di Museo, cual ta ser celebra rond mundo door di Museonan rond di e fecha di 18 di Mei, lo launch tambe e projecto ‘Museum goes Tech’ cu un promer parti di un ‘traveling’ pop-up expo.  Fundacion 1403 den un esfuerzo pa promove tecnologianan moderno di investigacion y presentacion den institucionnan Arubano a colabora cu Museo Arqueologico Nacional Aruba (MANA), Brenchie’s Lab, UNOCA y Nexus 1492 pa desaroya e projecto aki den cual a hasi uso di aplicacion tecnologico di sondeo, digitalisacion y imprenta 3D y e anochi aki lo hasi uso di tecnologianan nobo aki pa presenta nos hererencia arkeologico. Alavez Sr. Tony Sevold, docente di Brenchi’s Lab lo duna un presentacion/ splicacion cortico tocante e tecnologia usa.

Museo Arqueologico Nacional Aruba ta manda felicitacion pa tur Museo y su personal, tur boluntario y tur persona y instancia cu ta traha den mundo di Museo riba Dia Internacional di Museo!





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn