Charla tocante ‘Pesca na Aruba’ na biblioteca

Santa Rosa hunto Biblioteca Nacional Aruba ta presenta un charla tocante ‘Pesca na Aruba’. Esaki ta tuma lugar na Biblioteca Nacional Aruba ultimo diahuebs di luna, dia 25 di juni. Orario ta di 6’or pa 8’or di anochi.

Ta trece e tema  “Pesca na Aruba” bou atencion pa motibo cu tur aña na comienso di juli Departamento di Agricultura, Cria y Pesca, Santa Rosa, conhuntamente cu Centro di Pesca Hadicurari ta celebra Dia di Piscado. E fecha pa celebra esaki  ta diadomingo 5 di juli na Centro di Pesca Hadicurari.
E charla ta wordo presenta pa sr. Clifford Rosa. Sr. Rosa ta actual presidente di e Fundacion Centro di Pesca Hadicurari. Sr. Rosa tambe tin amplio experencia y conocemento den e ramo aki. Ta trata tambe historia, diferente  maneranan di pisca tanto na man y tambe usando mashin, piscanan mas comun den nos awa y kico ta e cambionan cu a tuma lugar. Sin laga afo tipo di botonan cu ta(bata) wordo usa. Na final lo tin oportunidad pa haci pregunta. 

Santa Rosa y Biblioteca Nacional Aruba ta invita un y tur pa ta presente diahuebs awor 25 di juni di 6or pa 8or di anochi na Biblioteca Nacional Aruba situa na George Madurostraat. E actividad  ta gratis.

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn