Charla tocante dislexia

Sra. Evelien van Dort ta duna un charla tocante dislexia na biblioteca diahuebs awor dia 6 di november na Biblioteca Nacional Aruba, Oranjestad. Esaki ta cuminsa 7or di anochi. E charla ta pa tur persona interesa den e topico di dislexia y entrada ta gratis.

Dislexia, tarea pisa of dote?
Cifranan ta mustra cu di cada binti mucha, uno lo tin molester di dislexia, entre otro ora ta trata di siña lesa. Durante e ultimo decada ta nota un atencion creciente pa dislexia. Ultimamente ta acerca e problema di lesamento insistente aki di forma mas positivo.

Lo ta asina cu e muchanan cu dislexia, fuera di tin un tarea pisa, tin un dote tambe? Y con nos por sostene e personanan cu dislexia pa explora e dote aki? Ya cu cada mucha ta unico. Desde e perspectiva: desaroyo motorico y pensa pa medio di imagen lo facilita puntonan di bista pa sostene e mucha.
Tambe lo trata dislexia den relacion cu dificultad cu e habilidad di lesa y skirbi (laaggeletterdheid).

Fuera di e introduccion di e tema dislexia pa medio di ‘powerpoint’, lo duna algun sugerencia practico, entre otro encuanto lesamento di buki pa mucha, pa personanan y muchanan cu dislexia. Tambe lo trata comprension ora ta lesa (begrijpend lezen). Lo tin oportunidad pa haci pregunta.
 

Orador, Evelien van Dort, autor di buki pa mucha y adolescente ta combina su experiencia y conocemento di fisioterapia pa mucha cu skirbimento. Evelien a publica 60 buki y tin 30 aña ta traha como fisioterapista. E ta duna charla y tayer tanto na Hulanda como den exterior, entre otro cu ‘Stichting Lezen en Schrijven’. Cinco persona lo duna testimonio di nan experiencia cu dislexia.Publico en general ta cordialmente invita pa asisti na e evento aki.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn