Charlotte Doornhein ta bishita biblioteca

Na biblioteca e comision di Festival di buki pa mucha a cuminsa brainstorm riba un proximo edicion di e festival.
Aña pasa a scohe Charlotte Doornheim pa skirbi e buki di siman. Tema pa e festival 2014 ta ‘Fiesta’. Pa cuminsa e proceso di investiga e tema, Charlotte Doornheim a bishita Aruba e siman aki. Tambe el a reuni cu e comision na biblioteca.
 

Comision di Festival di buki pa muchaCharlotte ta hopi contento cu su reto nobo. E mes tambe tin roots na tanto Aruba como Corsou caminda el a biba cu su famia pa cinco aña. Charlotte a cuminsa su investigacion y preparacion na Museo Arqeologico. E kier haya inspiracion pa e ‘Fiesta Arubiano’ cu conoce hopi tradicion y ritual. Scolnan lo haya e buki regalo. Clientenan di libreria ta haya e buki cu compra di 25 florin.
 

Charlotte su bishita di trabou tabata un siman largo, mayan e ta bay Hulanda bek. Na biblioteca nan ta hopi ansioso pa sa kico ta bay ta e concepto di e buki pa mucha. Charlotte Doornheim lo ta na Aruba durante e festival di buki pa mucha y ta bishita diferente scol. Charlotte ta skirbi buki pa mucha, storia cortico y poesia. Haciendo esaki e ta experencia un placer y goso profundo. E ta purba di trece diferente mensahe den su storianan manera libertad, e importancia di placer, para pa bo escohencianan y cana bo propio caminda.

 

 

 


 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn