Clausura proyecto di conta cuenta

Siman pasa Biblioteca Nacional Aruba a clausura su proyecto di contamento di storia na Cas di Anciano. A gradici Quota club pa e sosten financiero pa e bunita proyecto aki. E clausura tabata den un ambiente festivo cu Grupo musical Zjilea dirigi pa Chencho Kelly. Sra. Astrid Britten, directora di biblioteca a ofrece sra. Muzaninn Wever presidente di Quota club e filmacion di e proyecto riba CD.

Na biblioteca nan ta masha agradeci cu e projecto aki y cu Quopta club por a aporta na haci e grandinan feliz. Contador di storia sra. Gwendy Sneek y sra. Amaryllis Velazquez y autor sr. Gerry Franca a bishita diferente cas di anciano den ultimo 3 luna. Hunto cu un team di biblioteca nan ta bishita diferente Cas di Anciano.

Sra. Gwendy Sneek ta conta storia y skirbi poesia y ta pintor, el a publica ‘Meimei shelo y tera na 2007. Sra. Gwendy Sneek a contribui mas biaha na e proyecto aki. El a conta un cuenta for di coleccion di Hubert Booi (dfm) y poesia for di e antologia di Aruba, 'Cosecha Arubiano'. Sra. Amarillis Velazquez ta docente Spaño y Papiamento y keto bay den proceso laboral. Amarillis  ta participa pa di dos biaha como contador di storia. El a conta 3 storia di Compa Nanzi e haraña sabi. Gerald D. Franca a publica 2 buki pa mucha na Papiamento, ‘’ Carlito y e tapadera’ y  ‘Carlito ta bay keiro’. Tur dos ta na benta na libreria local. Gerald Franca ta skirbi storia pa adulto tambe y ta skirbi poesia. Esaki tabata e di nuebe edicion di e proyecto Conta cuenta cerca nos grandinan di Biblioteca Nacional Aruba.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn