Combersacion riba tema ‘Musica Steelpan’

E comunidad di musiconan di Steelpan a haya oportunidad pa drenta den combersacion cu otro ayera nochi durante un encuentro informativo na biblioteca.

Durante e anochi a presenta un poco di e historia di musica Steelpan pa medio di un documentario di Rebecca Roos (produccion) y Giovanni Muller ( direccion, naracion y script). E documentario ta carga e titulo ‘Steelband: eco di un gran epoca’ y ta forma parti di e serie ‘Tesoro Arubano’ di Rebecca Roos. E produccion aki ta riba YouTube. Pa medio di e documentario publico presente por a haya un bon idea di e historia di e genero di musica Steelpan y e desaroyonan.

Despues e discusion a cuminsa riba presente y futuro di e genero di musica aki. E combersacion tabata bou guia di Lee Connor y Gregory Richardson. Nico a conta algo di su experencia di biba y pasa e tradicion musical pa otro y su plannan pa futuro. Tambe el a duna un relato di e obstaculonan cu ta haya na caminda. Otro tocadornan di Steelpan tabata presente y a duna nan punto di bista, tambe amante di musica di steelpan y otro interesadonan a duna poco comentario y a haci pregunta.

Fundacion Herencia Cultural Inmaterial a organisa e Encuentro Informativo cu e meta di trece poco mas informacion di e tradicion rico aki na Aruba y pa drenta den discusion con ta e mihor manera pa pasa e tradicion musical aki pa hubentud y otro interesadonan. Un danki special na Lee y Nico Connor y Rebecca Roos pa nan contribucion.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn