Comision Celebracion Dia di Boneiro

Pa medio di esaki Comision Celebracion Dia di Boneiro tin e grato placer di invita bo persona pa un charla interesante encuanto “E Boneriano nabegado”.

Esaki den cuadro di e siman di Celebracion di Dia Nacional di Boneiro aki na Aruba cu ta cuminsa dialuna 9 di september y lo termina diadomingo  15 di september. E charla “E Boneriano nabegado”  ta na encargo di Sr. Boi Antoin, conocido editor, historiador y escritor Boneriano. Sr. Antoin ta fundador di  Fundacion Historiko Kultural Boneriano (FuHiKuBo). Aña pasa Boi Antoin a presenta algun charla tocante origen di cantica crioyo di Boneiro y historia oral. Tur dos charla tabata bon bishita y cu hopi informacion balioso y tin ora gracioso.

E charla e aña aki ta tuma luga diahuebs  12 di september na departamento  Arubiana di Biblioteca Nacional Aruba na Bachstraat 5 y ta cuminsa pa 6.30 di atardi y termina pa 9 or di anochi.

E programa pa e anochi ta lo siguiente:

  • 18.30 – 19.00 :  ricibi invitado y publico en general
  • 19.00 – 20.30 :  charla ”E Boneriano nabegado”
  • 20.30 – 21.00 :  brindis

Comision Celebracion Dia di Boneiro ta gradicibo di antemano pa bo presencia na e anochi aki.

Un cordial saludo, tambe den nomber di departamento Arubiana,

Sra. Lativa Mercera

Secretaris Comision Celebracion Dia di Boneiro

Tlf 730-0931





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn