Comision di festival di buki pa mucha ta gradici sponsornan

Biblioteca Nacional Aruba ta organisa e festival di buki pa mucha en cooperacion cu otro partido y cu sosten financiero di sponsornan. Sin esaki lo no ta posibel pa sigui cada aña cu e promocion di lesamento. E ta un organisacion cu ta pidi hopi creatividad, bon maneho, input di hopi hende cualifica, hopi energia y recurso. Pa logra un exito, ayudo ta necesario.

Biblioteca Nacional Aruba ta gradici na prome lugar tur e muchanan y nan mayor pa participa cu entusiasmo. Ta un placer pa wak e muchanan gosa. Tambe ta gradici autornan local y for di otro tera, ilustradornan y contador di storia. Danki na organisadornan y guiadornan, boluntarionan, empleadonan di biblioteca. Un danki ta bay na Dept. di Ensenansa y Instituto Pedagogico Arubano (IPA). Un danki di curason pa e vision cerca  e sponsornan RBC Royal Bank (main sponsor), librerianan DeWit & VanDorp stores, Plaza Bookshop, Samson Bookstore y Bruna, ELMAR, Kiwanis Club of Palm Beach, Tiara Air Aruba, Nagico, Organizacion EducarOfra, Praktijk fysiotherapie M.A.J. Maduro, Flora Market, Fatum y Quota International Club. Y por ultimo miembronan di prensa cu a distribui informacion pa e publico y a yuda cu e promocion. Hopi ta esnan cu a duna un man, tabata un honor pa traha hunto, masha danki!

Biblioteca Nacional Aruba ta invita tur mucha y publico en general pa hasi bon usa di e bunita coleccion di buki. Biblioteca ta sigui cu e trabou di promocion di lesamento y ta sigui stimula otro instancia cu ta traha riba tereno di lesamento. Biblioteca Nacional Aruba ta e centro di conocemento y encuentro pa e pueblo di Aruba.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn