Competencia di skirbimento pa mucha

Biblioteca ta organisa un competencia di skirbimento, ta invita mucha pa skirbi un cuenta cu tin di haber cu e tema di e festival di e aña aki, cu ta ‘FIESTA’. E competencia ta pa muchanan entre 8 pa 12 aña di edad. Esaki lo pone e muchanan sinti curiosidad pa sa mas tocante e autornan cu ta bishita nos isla. Den e Actividad di Atardi di tur diahuebs di 3 pa 4or di atardi lo duna nan guia y tips di autornan Arubiano, pa asina nan por skirbi cu mas sabiduria tocante e tema.

Den siman e departamento di hubentud di Biblioteca Nacional a ricibi trahadonan di CEDEHM (Centro di Desaroyo di Hende Muhe) acompaña pa algun di nan “Ruman grandi y chikito” den Verteltoren.
E damanan Luci, Olga y Elizabeth a haci e ehercisionan pa kibra e ijs. Despues di hopi harimento tur hende tabata sinti nan mes confortabel. A splica cu e proyecto ta un competencia di skirbi cuenta en coneccion cu e Festival di buki pa mucha. Tin un team di hurado profesional cu ta bay huzga e storianan y saca un ganador. E tema di e storianan ta “fiesta”. E por ta tur tipo di fiesta. E presentenan a haya un splicacion tocante e funcion di e puntuacion cu ta bay man den man cu e entonacion ora di lesa. Por bisa cu e merdia tabata un merdia fructifero.

Tur mucha di Aruba ta keda cordialmente invita pa bin den Verteltoren di Biblioteca na Playa riba diahuebs di 3-4 or di atardi pa participa den e actividadnan aki. Pa mas informacion por yama: 582 1580.



 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn