Concierto ‘de Son a Salsa’ y mas, den Cas di Cultura

Concierto ‘de Son a Salsa’ y mas, den Cas di Cultura

Diadomingo, 24 di mei 2015 y cu banda musical ‘Sazon Cubano’.

Di 3.30 – 7.00 p.m. di atardi na Cas di Cultura.

Originalmente Salsa kier men saus di tomato. Un nomber relevante pa musica y un baile sensual, mucho mas picante cu mayoria di baile Latino-americano. E baile popular aki ta di origen Cubano. Salsa ta conoci den region Caribe, Sur-America, Norte-America y Europa. Na diferente parti di mundo hende por siña balia Salsa.

Sazon Cubano, un banda musical di Aruba, lo percura pa publico disfruta di Son y Salsa. E banda ‘Sazon Cubano’ consisti di musiconan di Aruba, Cuba y Corsou. Dicho banda lo ta e atraccion principal di e programa, cu por ser considera como un homenahe na Salsa.

Cu e programa aki e organisado y gestor cultural, Mirto Laclé, kier comparti cu comunidad e contribucion musical y cultural, origina na Cuba y araiga na Aruba. Esaki como muestra di gratitud y den cuadro di Dia Internacional di Diversidad Cultural, Dialogo y Integracion. Den transcurso di historia di Aruba pais Cuba a desempeña un papel importante. Na principio di siglo XX ta hopi ‘Holandeses’ a migra di Aruba, Boneiro y Corsou pa traha de industria azucarero na Cuba.

E programa di diadomingo, 24 di mei, lo cuminsa 3.30 p.m. na Cas di Cultura cu un pelicula. Fuera di e banda ‘Sazon Cubano’ y musico cantante Placido Garcia lo tin scolnan di baile manera ‘Grupo di baile Pachanga’ bou di liderazgo di Oslin Boekhoudt y Janice Boekhoudt, ‘Scol di Movimiento’ bou di guia di Samantha Westera y Vivian Maduro-Crespo.

E atardi aki lo duna homenahe na algun icono y baluarte arubano, entre otro Digna Laclé-Herrera, Maybelline Arends-Croes, Tica Giel y Carmen Herrera.

Carchi ta obtenibel cerca Mirto Laclé, tel. 740 2044





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn