Concierto ‘de Son a Salsa’ y mas, den Cas di Cultura

Diadomingo, 22 di mei 2016 y cu banda musical ‘Robert y su Solo Banda Show. ‘Puerto Rico y Cuba son…De un pájaro, dos alas’. Di 4or – 7or di atardi na Cas di Cultura.

Originalmente Salsa kiermen saus di tomati. Un nomber relevante pa musica y un baile sensual, mucho mas picante cu mayoria di baile Latino-americano. E baile popular aki ta di origen Cubano. Salsa ta conoci den region Caribe, Sur-America, Norte-America y Europa. Na diferente parti di mundo hende por siña baila Salsa.

Robert y su Solo Banda Show, un banda musical di Aruba, lo percura pa publico disfruta di son, guaracha, merengue, bolero y salsa. Dicho banda lo ta e atraccion principal di e programa, cu por ser considera como un homenahe na Salsa di Mundo.

Cu e programa aki e organisado y gestor cultural, Mirto Laclé, kier comparti cu comunidad e contribucion musical y cultural, origina na Cuba, desaroya pa portoriqueñonan y otro latinonan residencia na New York, y exporta pa mundo henter. Na Aruba tambe ya pa hopi tempo Salsa ta un genero musical gusta. Como muestra di gratitud y den cuadro di Dia Internacional di Diversidad Cultural, Dialogo y Integracion. Aruba kier rindi homenahe na paisnan cultivado di salsa manera Puerto Rico, Cuba, Colombia y Panama.

E programa di diadomingo, 22 di mei, lo cuminsa 3.30 p.m. na Cas di Cultura cu pelicula di Salsa’Puerto Rico y Cubason…De un pájaro, dos alas’ riba pantaya grandi. Fuera di e banda ‘Robert y su Solo Banda Show tambe e banda musical ‘Caribbean Combo’ dirigi pa Carlos Bislip y hobennan musico lo deleita publico cu musica clasico Cubano y Caribeño. Tambe lo ta presente e cantante Cubano Placido Garcia. Lo tin presentacionnan di baile pa scolnan di baile manera ‘Scol di baile Pachanga’ bou di liderazgo di Oslin Boekhoudt y Janice Boekhoudt, ‘Club di Movimiento’ bou di guia di Samantha Westera y Vivian Maduro-Crespo.

Carchi ta obtenibel na: Cas di Cultura, tel. 5821010  y cerca Mirto Laclé, tel. 740 2044 /  586 8998





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn