Conscientisacion riba importancia di herencia cultural inmaterial

Cu distribucion di un foyeto UNESCO y Fundacion Herencia Cultural Inmaterial ta sigui cu e conscientisacion di e importancia di Herencia Cultural Inmaterial na Aruba. A desaroya un foyeto pa publico hoben y adulto pa ilustra con importante e ta pa un pueblo cuida loke e tin na herencia cultural inmaterial y percura pa esaki no bay perdi.

Esaki ta un di e pasonan cu a tuma den e trayecto di informa e pueblo Arubano. Tambe tin documentario riba e tema aki y e presentacion online. E fundacion ta tene encuentronan informativo regular. E meta principal di e fundacion ta pa traha riba un Inventario Nacional. Ta stimula gruponan den comunidad pa participa na esaki. Un condicion ta cu gruponan cu kier pa nan tradicion bay riba Inventario Nacional di Aruba traha riba un plan pa salvaguardia segun un guia di UNESCO.

E foyeto lo bay pa gruponan den comunidad, scol y tur e actornan den veld cultural di Aruba. E foyeto ta na Papiamento di Aruba, Papiamentu di Corsou, Ingles y Hulandes cu ta e 4 idiomanan di Reino. Un cantidad lo bay pa e otro islanan di Caribe Hulandes, Corsou, Boneiro, St. Maarten, Saba y St. Eustatius cu tambe ta mira e importancia di salvaguardia nan herencia cultural inmaterial.

http://prezi.com/xyhjmbdd7cf8/?utm_campaign=share&utm_medium=copy&rc=ex0share

 





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn