Conta cuenta cerca nos grandinan

Na april Biblioteca Nacional Aruba a cuminsa cu su proyecto anual di contamento di storia na Cas di Anciano. E proyecto tin duracion di tres luna. 3 contador y autor cu ta riba programa e aña aki ta sra. Gwendy Sneek, sra. Amaryllis Velazquez y sr. Gerry Franca. Hunto cu un team di biblioteca nan ta bishita diferente Cas di Anciano.

Di e manera aki biblioteca kier contribui na tene actividadnan alegre pa nos grandinan cu ta biba na e diferente Cas pa Anciano manera e.o. Paviljoen San Pedro, Huize Maris Stella Savaneta, SABA San Nicolas y Cas Marie Savaneta. Durante e periodo aki cada cas ta haya bishita di tres diferente contado, cada luna uno.

Otro parti di e programa ta canto y musica di e Grupo musical Zjilea dirigi pa Chencho Kelly. E proyecto ‘Conta Cuenta Na Casnan di Anciano 2015’ ta bou di encargo di dos bibliotecaria y Quota Club ta sostene e proyecto pa medio di un contribucion financiero. Meta ta pa stimula lesamento y contamento di storia y traspaso di cuenta.

Sra. Gwendy Sneek ta conta storia y skirbi poesia y ta pintor, el a publica ‘Meimei shelo y tera na 2007. Sra. Gwendy Sneek a contribui mas biaha na e proyecto aki. E ta conta un cuenta for di coleccion di Hubert Booi (dfm) y poesia for di e antologia di Aruba, 'Cosecha Arubiano'. Sra. Amaryllis Velazquez ta ex-docente Spaño y ta participa pa di dos biaha como contador di storia.  Gerald D. Franca a publica dos buki pa mucha na Papiamento, ‘’ Carlito y e tapadera’ y  ‘Carlito ta bay keiro’. Tur dos ta na benta na libreria local. Gerald Franca ta skirbi storia pa adulto tambe y ta skirbi poesia.

Esaki ta e di nuebe edicion di e proyecto Conta cuenta cerca nos grandinan di Biblioteca Nacional Aruba.





Biblioteca Nacional Aruba
George Madurostraat 13
Oranjestad Aruba
Phone +297 582-1580
Fax +297 582-5493
www.bibliotecanacional.aw
info@bibliotecanacional.aw

Branch San Nicolas
Peter Stuyvesantstraat z/n
San Nicolas Aruba
Phone +297 584-5277 /
+297 584-3939
Fax +297 584-5004


Dept. Arubiana/Caribiana
Bachstraat 5
Oranjestad Aruba
Phone +297 582-6924

Facebook   Google+ YouTube Pinterest LinkedIn